Klassereisa, og dei motstridande og ofte såre kjenslene det å heva seg over sitt eige opphav utløyser, er eitt av den moderne litteratursogas store gjennomgangstema, med Pips forsøk på å bli gentleman i Charles Dickens «Store forventingar» som det evige referanseverket. «Jeg heter Lucy Barton» er den amerikanske forfattaren Elizabeth Strout – for mange kjend gjennom suksessromanen og seinare tv-serien «Olive Kitteridge» – sitt bidrag til denne tradisjonen. Eit lågmælt, men solid bidrag er det også, som trygt styrer unna dei fallgruvene av sentimentalitet, alternativt overdrive kynisme, som tematikken elles kan lokka fram.
Klassereise: Det er den lågmælte forteljarstemma som ber romanen til Elizabeth Strout.
Utan omsvøyp
