Taoistisk androiddraum

Jamvel om filmar har framstilt robotar som demokratiske og eksistensielle trugsmål heilt sidan 1920-talet, har det aldri vore tvil om at det er robotprodusentane som er problemet med sine mørke, aggressive drifter, vaklande moral og forbruksmentalitet. I Steven Spielbergs «A.I.» (2001) blir ein robotgut sett ut i skogen, når menneskefamilien ikkje treng kjærleiken hans lenger. I Lisa Joys og Jonathan Nolans kapitalismekritiske «Westworld» (2016 –) startar androidar eit slaveopprør mot det kyniske storselskapet som eig dei og kundane som øver vald mot dei.