Kva skjedde i den franske småbyen Auvers-sur-Oise, den 27. juli 1890, dagen då målaren Vincent van Gogh kom tilbake frå kornåkrane utan staffeli, men med det som to dagar seinare viste seg å bli eit dødeleg skotsår i magen. Vincent van Goghs død er utgangspunkt for det originale og visuelt meisterlege kunstnarportrettet «Loving Vincent». Det er eit vellukka polsk-britisk samarbeid mellom den kunstutdanna regissøren Dorotea Kobiela og produsent Hugh Welchman, som òg stod bak Suzie Templetons dokkeanimasjon «Peter & the Wolf» (2006).
«Loving Vincent» nyttar Vincent van Goghs teknikk i eit imponerande filmprosjekt.
Krim strøk for strøk
