Då avisa The Guardian bad den unge forfattaren Édouard Louis om å skriva om kor frigjerande litteraturen var for han då han var liten, blei han såra og skamfull. For i hans barndom fanst det ingen bøker, og foreldra las aldri. Litteraturen framstod tvert om som ei valdsmakt som dei måtte forsvara seg mot, ei aggressiv innretning som ville utsletta dei gjennom å nekta for at dei fanst.