Grensegang

Gunstein Bakke

Overgang til menneske

Dikt

Forlaget Oktober 2023, 65 sider

Dei siste åra har økopoesi, altså poesi som på ulike måtar reflekterer over det økologiske, vore ein vesentleg del av samtids­litteraturen. Ei grein av denne litteraturen interesserer seg for mennesket, og korleis mennesket heng saman med alt anna som det er omgjeve av. At me på eine sida er tenkande og reflekterande, og på den måten står utanfor verda, samstundes som me gjennom kroppane våre er like mykje ein del av den fysiske verda som steinar eller komposthaugar.