I august har Tyskland vore slagmark for ei ny trefning i «kulturkrigen». Det starta då Ravensburger forlag kunngjorde at dei trekte to barnebøker frå distribusjon, fordi dei inneheldt forenklande «klisjear om urfolk». Bøkene var gjevne ut i samband med den nye spelefilmen «Der junge Häuptling Winnetou», og begge lanseringar var ein freistnad på å fornya den omfangsrike kulturarven etter Karl May (1842–1912). Mays spaningsbøker kom først ut på 1890-talet, og «alle» levande tysklesande har eit forhold til Mays eksotiske sjangeroppfinning tysk western, der den edle apasjehovdingen Winnetou kjempar for rettferd og fred saman med sin kvite, tyske immigrant-blodsbror Old Shatterhand, som òg figurerer som forteljaren i bøkene.
Er truskuldig sentimentalitet til hinder for demokratisk kultur?