DET BESTE GLASET: Solveig Aareskjold minnast ein barndomsdag.
Eg har to grønskimrande kjøkenglas av resirkulert materiale som er overlag verdifulle for meg. Ikkje på grunn av marknadsprisen, dei kosta berre kr 19,00 per stykk hos Clas Ohlson, og heller ikkje på grunn av industridesignet, sjølv om det er framifrå. Det som gjer dei så dyrebare, er at dei liknar på nokre leiketøyglas som eg fekk i gåve ein gong i barndomen.
