DebattSpråkLars Moa, omsettar av færøysk litteratur
I spalta «Språket» onsdag 29. august set Sylfest Lomheim ny personleg rekord i mengd av skrivefeil i eitt ord. Under overskrifta «Tenk tysk!» dreg han fram eit døme frå færøysk for å vise samanhengen mellom vårt ord tysk og det færøyske ordet þjod. Den nye personlege rekorden ligg her: Tre feil i eit ord på fire bokstavar! Rett skrivemåte er tjóð. (Bokstaven þ blir ikkje brukt i færøysk, så Lomheim blandar truleg saman færøysk og islandsk.) Teatret i Tórshavn som han omtalar, heiter Tjóðpallur Føroya. Lomheim skriv at det betyr «folketeater». Dette er i beste fall unyansert, for ordet betyr rett og slett «nasjonalteater». Og det blir jo noko litt anna.
