Same grad av rettsleg vern for alle diskriminerte grupper, anten diskrimineringa skuldast kjønn, hudfarge, funksjonshemmingar eller noko anna. Det er det sentrale kravet for den nystifta Menneskerettsalliansen.
I går vart Menneskerettsalliansen stifta i Oslo, med Stopp diskrimineringen, Antirasistisk senter, Landsforeningen for lesbisk og homofil frigjering og Landsforeningen for transseksuelle som initiativtakarar. Meininga er å sameina arbeid mot alle former for diskriminering, uansett kven diskrimineringa går utover.