I jordbrukssamfunnet måtte kongen – med velsigning frå gudane – forsyne folket med korn. Så òg for Heilag-Olav.

Korn og konge

Kringla HeimsinsÅsmund Bjørnstad, professor, Noregs miljø- og biovitskaplege universitet, Ås
KONGE: Kong Olav er Norges evige konge – over landet og kornet. Her frå den katolske basilikaen San Carlo al Corso i Roma. MÅLERI: «THE PAINTING OF ST. OLAV THE KING OF NORWAY» (1893) PIUS ADAMOWITSCH WELONSKY

Ved olsok (29. juli) kjem gjerne spørsmålet om kvifor Heilag-Olav fekk ein så stor plass i folket i heile Norden. For sin kristne livsførsel, sine sigrar på slagmarka, eller for martyrdøden og dei under han gjorde sidan? Historikarar har vanskar med å forklare Olavs-kulten. Ein gløymd peikepinn finn vi i ein liten artikkel trykt i Nationen ved olsok i 1945 (sjå sidetekst). Der hevda kulturhistorikaren Kristofer Visted at Heilag-Olav tok over som kornguden. Han vart vernehelgen for kornhausten, den alle venta på i månadsskiftet juli-august.