På Ringen Kino i Oslo kan du no sjå film i Nordens første 4DX-sal. Det er ein ny framvisingsteknologi som utvidar 3D-formatet med å stimulera fleire fysiske sansar enn syn og høyrsel: Setet minner om ein massasjestol med innebygde effektar som er synkroniserte med handlinga i filmen, inkludert vass- og luktdyser. Salen har i tillegg røykmaskin, sprinklaranlegg for «regn» frå taket, ein lampe som gjev «lynglimt» og vifter som kan piska opp ein liten storm.