Bjørnstjerne Bjørnson, som fekk Nobelprisen i litteratur i 1903, gav i yngre år ut romanen «Fiskerjenten», der femtenåringen Petra av rein vanvare trulovar seg med tre menn på ein gong. Det fører til at mobben går til åtak på heimen hennar, og ho må smuglast vekk med eit skip. «Du skal skrive, straks det går dig godt, men ikke før», seier mora til farvel, og går tilbake for å byggja opp huset igjen.
