EI, EI: Harald Eia bør vurdera ein mental djuprens, skriv Solveig Aareskjold. Martin Østby
Eg hadde alltid høyrt at ein skal løfta med rett rygg. Til og med når eg plukka opp rusk og rask frå golvet med handstøvsugaren, stabba eg tungvint omkring på huk, og kvar gong ryggen skapte seg vrang, visste eg at eg ikkje hadde halde han rett nok. Men brått ein kveld visste eg det ikkje lenger. For i fjernsynsprogrammet Brille var der ein ryggspesialist som opplyste om at å løfta med rett rygg var den sikraste måten å skada seg på.
