Augeblink utan ende

Espen Ytrebergs debutroman heiter «Amundsen», men handlar mest om Roald – frå han er ungdom og ser Fridtjof Nansen kome heim frå Grønland til han tjue år seinare sjølv returnerer frå Sørpol-ekspedisjonen og reiser rundt og held føredrag. Kontrasten mellom mannen og myten er merkbar, men ikkje det einaste som står på spel her. I «Amundsen» synest Ytreberg like interessert i å vise lesaren korleis ein mediesensasjon blir til. Amundsen var sjølv aktivt med på å dokumentere og formidle reisa til Sørpolen – gjennom fotografi, film, føredrag, avisartiklar og bøker – og Ytreberg skildrar korleis han både skapte og mista grepet om sin eigen sensasjon.