FN hadde truleg vore meir handlekraftig og demokratisk om stortingspresident C.J. Hambro hadde fått det som han ville. Det meiner biograf Iselin Theien.
Carl Joachim Hambro sette sitt preg på nokre av dei viktigaste hendingane i norsk politikk. Han er kalla mannen som berga storting, regjering og konge den 9. april 1940. Det færre veit, er at Hambros handlingar på invasjonsdagen dels var baserte på røynsler han hadde gjort seg i Folkeforbundet, forløparen til FN.