I Andrew Haighs debutfilm «Weekend» er framtida ein uviss stad for to single menn som møtest tilfeldig på byen. Dei unge vaksne både kvir seg for og lengtar etter å planlegga livet saman nokon – kanskje med kvarandre. I 2011 var Haighs skeive kjærleiksdrama noko nytt med si avdramatiserande, realistiske skildring av partykultur kombinert med likeframme, truverdig samansette karakterar. «Weekend» utvida rollegalleriet for og filmblikket på homofile.