BESØK: Fredsprisvinnar Lech Walesa deltek under Arendalsveka i august. Han skal snakke både om dagens situasjon og si eiga historie. Den no 78 år gamle Walesa fekk Nobels fredspris i 1983. – Det skal bli interessant å høyre kva den tidlegare fagforeiningsleiaren og presidenten har å seie om kampen sin mot kommunistdiktaturet og om dei dramatiske hendingane i Ukraina, seier Nobelinstituttets direktør Olav Njølstad i pressemelding frå Arendalsveka. Nobelinstituttet og Arendalsveka samarbeider om besøket til Lech Walesa.©NPK