PENGAR: – Når staten innfører så inngripande tiltak over natta, må òg staten ta ein større del av kostnadene, seier direktør Kristin Krohn Devold i NHO Reiseliv om dei nye smitteverntiltaka i ei pressemelding. Devold seier at skjenkestopp i praksis betyr nedstenging for mange bedrifter, som òg får lønnsplikt i ti dagar. – Det er urimeleg at bedrifter som må permittere etter tiltaket til styresmaktene, blir sitjande igjen med så store lønnskostnader, seier Devold. Ho ber staten innlemme lønnspliktperioden til arbeidsgivar i kompensasjonsordninga. NHO vil òg at kompensasjonsordninga blir forlengd så lenge reiselivet blir ramma av smitteverntiltak.©NPK
Du kan bla til neste sideBla med piltastene
Agenda
Dagboka
- Hugsar du Rune Olsø? Den tidlegare arbeidarpartipolitikaren i Trondheim som vart etterforska av Økokrim for påverkingshandel og korrupsjon i samband med eit utbyggingsprosjekt i Trondheim. Det som heiter Kystad-saka, der han arbeidde for eit selskap som fekk betalt to millionar kroner frå ein utbyggjar for å hindre at området Kystad vart verna. Dette samstundes som han sat i bystyret i Trondheim. Økokrim la vekk saka mot Olsø fordi dei ikkje fann sterke nok bevis, og alle er uskuldige til det motsette er bevist. Men han trekte seg som leiarkandidat til Trøndelag Ap og søkte om permisjon frå bystyret ut perioden. Ordførar Rita Ottervik kalla det svineri og Arbeidarpartiet gjekk inn for eit lobbyregister.
