Det er ei utbreidd haldning i den politiske eliten at dei sjølv er betre i stand til å ta gode avgjerder enn alle andre. Eg veit dette fordi eg har brukt mange år av livet mitt i eller i tilknyting til denne eliten. I desse krinsane er leiarskap evna til å ta upopulære, men nødvendige avgjerder. For å bli tatt opp i det gode selskap bør du vera ein sterk leiar, og ein sterk leiar er synonymt med ein som kan pressa gjennom viljen sin på tvers av det andre meiner. Du skal vera lojal oppover, og hardhendt nedover.