Det går ei lang rekke av kvinner og menn langs autovernet mens dragsuget frå bilane riv og slit i oss. Våre eigne har me parkert utanfor eit kjøpesenter der me er velkomne til å kjøpa allslags skrot til å fylla opp heimane våre med, slik alle må gjera om ikkje den kapitalistiske økonomien skal bryta saman. Men no følgjer me den smale stien mellom køyrebanen og metallgjerdet, den farlege randsonen der litt slingring i trafikken er nok til å klemma oss flate.