Kunsthistoria har lenge vore prega av eit modernistisk syn. Først no blir historiemåleriet skildra i si fulle breidde.
– Kunsthistoria på 1900-talet har vektlagt stilretningane som peika fram mot modernismen. Blant det som er vald bort, finn ein 1800-talet sitt historiemåleri, seier Knut Ljøgodt med referanse til dei forteljande målaria som hentar motiv frå mytologi, bibelhistorie og litteratur, så vel som frå historiske hendingar.
