Vi noterer

… at den høgst anerkjende klassikarserien til Skald fyller 10 år, og det har ikkje dei driftige feinschmeckerane i forlaget tenkt å la passere utan basunar. Før juletid kjem ein eksklusiv klassikarkalender – og, nei, dette blir ikkje eit pynteleg veggheng med klassikarsitat i løkkeskrift med snødryss på. Det dreier seg om 24 handplukka tekstar, nyomsette av forlagets veltrudde omsetjarar, samla i ein praktboks designa av Andreas Töpfer. Høg kvalitet gir høg pris: 2990 kr må du ut med. Det er berre å feite opp sparegrisen i haust.