Gir oss ikkje

Vossajazz 2025

11.-13. april

For den som leitar – eller har dei rette algoritmane – finst det ei rekke memes om norske jazzfestivalar. Ofte gjer dei narr av dei forskjellige bookingprofilane: For eksempel finst det ein meme der Moldejazz er representert med bilde av Astrid S, Kongsbergjazz med bilde av Kygo, osv. Vossajazz, derimot, har glimra med sitt fråvær i alle jazzmemes eg har sett (og det begynner å bli ein del). Er det fordi festivalen blir sett på som irrelevant, eller berre vanskeleg å ta? Eg gjettar sistnemnde, for Vossajazz har aldri tydd til hyperkommerse bookingar.