Vi noterer

… at ein ny pris for omsetjarar har oppstått – i Jon Fosses namn! Fosseprisen blir delt ut i samband med det årlege Fosseforedraget og går til ein som omset frå norsk til andre språk. Det er sjølvaste regjeringa som har oppretta prisen, og ansvaret for både pris og foredrag har Nasjonalbiblioteket fått. Prispengane er på 500.000 kroner – cirka det same som Nordisk råds litteraturpris – og vi reknar med at foredraget også er solid honorert. Men kva med oss som melder bøkene til Fosse, kan vi få pengar òg?