Kven er du, blir Samet (Deniz Celiloğlu) spurt på eit skilsetjande punkt i «About Dry Grasses». Det er eit grunnspørsmål i alle Nuri Bilge Ceylans filmar, og som publikumar må vi sjå filmane til endes for å få svar. Hovudrollene ter seg – medvite eller ikkje – ulikt i møte med andre, alt etter kva som gagnar dei i situasjonen. Karakterane, ofte omtalte som tsjekhovske, kan vera moralske og umoralske, kloke og dumme, rause og smålege, omsorgsfulle og kyniske, ærlege og løgnaktige på like omskifteleg vis som levande menneske. Men plassert i dei opne og vindpiska landskapa i Anatolia er det umogleg for karakterane å skjula dårskapen vi andre kan gøyma i kinomørkeret. Til sist kan vi vona på ei felles sjølverkjenning.
Mange regissørar filmar romanar. Nuri Bilge Ceylan skriv litteratur på lerretet.
Misnøyas vinter
