Homerisk ungdom

I vanleg språkbruk er ein odyssé ei lang reise med mange interessante stoppestader. Men hos Homer er det tvert imot ei kaotisk flakking hit og dit der fleire hundre menn mistar livet i den eine katastrofen etter den andre. Dei seks som kyklopen et opp, er ingenting mot alle dei som stryk med fordi Odyssevs er ein impulsiv og uansvarleg leiar. Og endå ventar den blodige massakren på dei hundre og åtte som vil gifta seg med kona hans heime på Itaka.