Bønhøyrde

I sin nye og nifst aktuelle film, «Praying for Armageddon», tar dokumentarfilmskapar Tonje Hessen Schei for seg amerikansk kristensionisme. Ordet lyd som ei teologisk sjølvmotseiing, og er det også, men politisk er kristensionismen eit kraftfullt amalgam. Det er som maktfaktor i utforminga av USAs utanrikspolitikk, at denne stadig meir høgreradikale og militante retninga av evangelisk kristendom er mest interessant for Schei, men ho viser også korleis ulike evangeliske grupper – frå landevegens MC-pastorar(!) til Donald Trumps «åndelege rettleiar» blant dei største tv-predikantane – arbeider for at USA skal bli eit teokrati med abortforbod, utan LHBT-rettar og med eit ideologisk reinsa skolepensum.