Arkitekturopprøret har nominert dei ni styggaste kyrkjebygga frå dei siste ti åra. Blant dei er Knarvik kyrkje frå mine heimtrakter og Spikkestad kirke frå Asker, begge nydelege bygg i mine auge. Arkitekturopprøret meiner heller at kyrkjene er så «groteskt stygge og fremmedgjørende for folk flest at det synes som kirken ønsker å ta håpet og troen fra folk». Tvert om meiner eg at nettopp rommet for trua kjem godt fram i dei modernistiske kyrkjene, som Lillestrøm kirke og Slettebakken kirke.