Det vekte ein del oppstyr då Kari Stai annonserte at «Jakob og Neikob og tidsmaskinen» (2022) var den sjuande og siste boka om den svært splitta, smått surrealistiske duoen. Eit år seinare gir Stai ut ei ny biletbok for barn, med den spørjeteiknlause tittelen «Er det sant at» – omtrent som i Vigdis Hjorths «Hva er det med mor» og «Er mor død». Hos Stai er det far det handlar om – rettare sagt om fedrar i tre ulike tappingar: ein fengsla, ein død og ein vordande.
Store kjensler i tre ulike tappingar.