I Klassekampen 25. mars presenterer Hans Ebbing ein formel med tre nivå for å forstå krigen i Ukraina. Krigen har ein tredobbel karakter, skriv Ebbing: «som 1) folkerettsstridig russisk angrepskrig, 2) som borgerkrig mellom et «øst» og et «vest» siden 2014 og 3) en stedfortrederkrig for USA og Nato mot Russland.» Formelen har også vore brukt av Arne Overrein, mellom anna i ein artikkel i Klassekampen 28. februar. Vi må kunne sjå han som representativ for korleis redaksjonen av Vardøgers Ukraina-nummer (nr. 40/23) ser på konflikten.