Dans oppå bordet

Første skoledag i sjuande blir verda snudd opp ned for bestevenene Mina (Liv Elvira Kippersund Larsson) og Markus (Sturla Harbitz). Dei samansveisa nerdane skal surfa saman gjennom siste år på barneskolen, men inn i skolegarden dundrar ein ny gut med lyden frå ein gigantisk høgtalar og ein enda større attitude . Edvin alias ED Win (Viljar Knutsen Bjaadal), hip-hop-dansar frå Oslo og viralfenomen med «198K følgere», har flytta til Hamar. Han vil straks samla eit crew for å vinna dansekonkurransen The Mjøsa Challenge (?!).