Etter nær ti år på kontinentet er Åslaug Haga tilbake. Framleis vil ho senda norsk kraft til Europa.

Med nye batteri

PortrettStraumAnne Kari Hinna og Anniken C. Mohr11. feb.

TILBAKE: Den tidlegare olje- og energiministeren og Sp-leiaren Åslaug Haga er no administrerande direktør i Fornybar Norge. Her er ho på Neskollen på Romerike, der ho i dag bur etter fleire år i Tyskland og Italia.

Åslaug Haga har støtte i lysarka, men manus har ho ikkje. Den tidlegare olje- og energiministeren, som no er administrerande direktør i Fornybar Norge, er invitert til LOs olje- og gasskonferanse i Bergen. Her sit tillitsvalde og direktørar i olje- og gassbransjen. Olje- og energiminister Terje Aasland (Ap) fortel at regjeringa lyser ut nær hundre nye leiteblokker, mange av dei i Barentshavet, til applaus.