Gjert Moldestad er meir enn gjennomsnittet glad i fotball. Han kan setta seg i ein buss og køyra tolv timar gjennom landet, traska rundt i ein mellomstor norsk by i nokre timar, før han går inn på eit kaldt stadion og ser 90 minutt med fotball. For så å setta seg på bussen att og køyra tolv timar tilbake. Men for Moldestad er det meir som står på spel enn det sportslege. For nokre år sidan kjempa han for å ha med seg regnbogeflagget inn på Ullevål då Noreg møtte Russland. I kampen om norsk boikott av fotball-VM i Qatar, ein kamp som enda med tap, har bergensaren vore ein markant figur.
Når fotballen rullar i Qatar, skrur Gjert Moldestad av skjermen.
Kampklar
