Korleis få tvilande abortmotstandarar til å støtta sjølvbestemt abort – i USA? Det ser ut til å vera oppgåva «Call Jane» har fått å løysa. Her vi får sjå korleis Joy, ei pynteleg husmor, lovlydig mor og støttande advokat-kone, blir abortaktivist i 1968 etter å ha blitt nekta abort for ein livstrugande graviditet. Det er lett å sympatisera med skodespelar-produsent Elizabeth Banks’ og regissør Phyllis Nagys ønske om å påverka ein brei opinion. Straks USAs høgsterett i år reverserte den føderale retten til abort, førte det til drakoniske abortlover i ei rad delstatar. Likevel er det ofte kontraproduktivt å tilpassa kunst etter ytre omsyn, fordi det kan gå utover kvaliteten. Audrey Diwans antimoralistiske 60-talsabortfilm «Hendelsen» (2021) er av eit heilt anna kunstnarisk og politisk potent kaliber enn «Call Jane» med si ulastelege Joy.
60-talsdramaet «Call Jane» peikar fram mot dagens abortrøynd i USA.
Forbodstida
