Med ein partyprins i klassen

Kongelege er like populære i strøymetenestene som zombiar og vampyrar, og dei har vist seg like seigliva og like brukande som prisme for å studera både eksistensielle og trivielle tema. Slik er det også i «Royalteen», som utvidar perspektivet i den svenske kostskoleserien «Young Royals» (2021). Til saman dekker dei to skandinaviske Netflix-seriane klassisk pubertetsproblematikk som (gruppe)identitet/ utstøyting, forelsking og seksualitet, i tillegg til meir tidstypiske sosiale medium-utfordringar og mental helse.