Den fyrste snøen ligg som eit tynt teppe over landskapet. Terje Kollbotn, fagforeiningsleiaren og Raudt-politikaren frå Odda, trør med røynde steg oppover skråninga. Ein røyskatt har kryssa stien før oss, fortel han, og sjå der, kven trur du har gått der? spør han og peiker på dei langt større spora som skrår ned mot riksveg 13 i snøen.
Terje Kollbotn talar for dei som sit på dei bakarste radene. Det lærte han av ein gammalkommunist på den tida då han låg vaken og frykta talarstolen.