Natteramnar med kamera

Da filmstudenten Petter i siste sekund vart berga frå å ta sitt eige liv, tok bestevenen og medstudenten Sverre initiativ til eit filmatisk sjølvhjelpsprosjekt. Føremålet var ikkje i første rekkje å kartlegga livet med psykisk sjukdom, slik som til dømes «Idas dagbok» (basert på Ida Storms eigen videoblogg, 2014), men snarare å fokusera på noko praktisk og utoverretta, i von om at Petter skulle få avstand til dei suicidale tankane som melde seg når skam over eigen seksualitet, eller motgang og nederlagskjensler drog han ned i ein malstraum.