Kvinnene på Moster

Sist onsdag var det noregspremiere på ei fullskala oppsetting av Benny Andersson og Björn Ulvaeus’ «Kristina frå Duvemåla». Den musikalsk publikumsvenlege, men scenisk krevjande oppsettinga – som er lite spela utanfor Sverige – er det Bømlo Teater i Sunnhordland som står bak. Det imponerande arrangementet viser at lokalt kulturliv ikkje berre har klart å «halde det gåande» gjennom pandemien, men at det som blir omtala som grunnmuren i norsk kultur, er langt mindre traust og anonymt enn ordet kan gje inntrykk av. Sjølvtrygt spektakulært er adjektiv som melder seg.