Då Nils Lavik ikkje vart nominert på stortingslista til Venstre i Hordaland i 1933, fekk kristenfolket nok. Dei hadde vore misnøgd med Venstre som ikkje tok tilstrekkeleg oppgjer i kulturspørsmål som blasfemien til Arnulf Øverland og at statsministeren klappa for «Guds grønne enger», teaterstykket med Gud som menneske. Dei skipa heller eit kristeleg folkeparti som stilte til val i Hordaland og fekk 10.272 røyster, om lag 17 prosent i fylket. Lavik sat på Stortinget til 1953.