HALD OPP: Slutt å gi kulturmenn respons, skriv Solveig Aareskjold til kulturkvinnene.
Heile livet har eg venta utolmodig på at likestillinga skal bli fullført. Dessverre raknar det igjen kvar gong eg trur me er i mål, no sist med metoo. Kva er det med mødrene til desse jentene, kvifor har dei ikkje lært døtrene sine å ha glede av menn utan å koma til skade? Somme tider trur eg på ein verdsomfattande kvinnekonspirasjon der målet er å bryta ned seg sjølv og ta resten av hokjønnet med i fallet. For det får då vera måte på å gå i den same fella generasjon etter generasjon.
