Norske kinoar er uroa for framtida – med god grunn. Overslag frå bransjeorganisasjonen Film & Kino viser at smittevernreglane per i dag reduserer den totale publikumskapasiteten frå 82.000 til 10.000 seter. Det gjev ikkje grunnlag for rekningssvarande drift, noko som også var tema for krisemøtet ei rad kulturorganisasjonar hadde med kulturminister Abid Q. Raja og helseminister Bent Høie på onsdag. Bøna til regjeringa var at meterkravet frå helsestyresmaktene – altså avstandsmålet mellom kvart brukte kinosete i salen – måtte lettast på. No ventar alle på nye råd frå Helsedirektoratet.
Kinoane vil pakka fleire folk i salane, men nedkorting av meteren er ikkje nok til å halda oppe kinokulturen.
Kinometer og dørstokkmil
