7. okt.
Thesevs For meir enn tre tusen år sidan skal den greske kongen Thesevs ha hatt eit storslått og vakkert skip som vart rodd med tretti årar. Skipet var fleire hundre år gamalt, og så lenge er det ikkje vanleg at skip laga av tre, held ut i saltvatn. Dette fekk dei til ved å stadig skifte ut plankane som skipet var laga av med nytt trevirke etter kvart som dei rotna. Slik oppstod Thesevs’ paradoks: den dagen alle plankane frå det opphavlege skipet er byta ut, er det då framleis tale om det same skipet?
Eg kom til å tenkje på det då eg nyleg las den tjukke historia om Morgenbladet frå 1819 og fram til i dag. Forfattar Erik Rudeng har som ein grunnleggjande føresetnad for boka at det gjev meining å prate om ei avis gjennom 206 år. Morgenbladet har vore alt frå Høgre-organ under C.J Hambro på 1910-talet, Frp-sympatiserande liberalistavis under Hroar Hansen på 80-talet og postmoderne idémagasin i gamle industrilokale på Grünerløkka på 90-talet.
Aleksander Åsnes