Pjolter og politikk

Ola Karlsen

Den norske nazieliten

Litteratur

Gyldendal 2020, 426 sider

Mot slutten av Ola Karlsens «Den norske nazieliten» kjem ei liste på 60 sider over dei 211 medlemmane i Normannaklubben – eit lukka mannsfellesskap der eliten i Nasjonal Samling møttest, uformelt og sosialt, for å drikke, diskutere, utarbeide avtalar, pønske ut planar og politikk. Klubben heldt til rett ved Stortinget i Oslo, i lokala til Frimurarlosjen, som NS hadde rekvirert det første krigsåret. Quisling var med å leggje planane for klubben, men var ikkje medlem sjølv. I staden var det næringsminister Alf Larsen Whist som i juni 1944 peika ut særleg viktige menn frå næringsliv, organisasjonar og byråkrati, og sendte ut eksklusive invitasjonar: «De som i 1944 ble plukket ut og funnet verdige […] hadde i løpet av de fire første krigsårene gjort sitt beste for å fremme Nasjonal Samlings sak».