I går gjekk fristen for å søkje vidaregåande skule ut, så i helga har mange gjeve og fått råd om kva for retning dei skal velje. Dei står ved skiljevegen yrkesfag eller studieførebuande utdanning. «Å velge yrkesfag gir en drøss av muligheter,» skreiv Arbeidarpartipolitikarane byrådsleiar Roger Valhammer og fylkes- og utdanningspolitikar Emil Gadolin i Bergens Tidende laurdag. Same dagen skreiv direktør i Fritt Ord, Knut Olav Åmås, noko liknande i Aftenposten. «Vi trenger flere i kjeledress, færre i dress.»