Om kunsten og om kroppen

«Selvportrett» er eit minnebilde som let oss møta eit desperat menneske med ein urovekkjande paradoksal sjukdom: Fotografen Lene Marie Fossen svelta seg av psykologisk naudsyn, samstundes som ho var fullt ut medviten om at den alvorlege, sjølvpåførte underernæringa var livstrugande. Det smertefulle paradokset kjem til uttrykk i dei på alle vis gripande fotoa ho tok av sin eigen uttæra, men uutvikla olding-barnekropp (Sjukdommen hindra henne frå å koma i puberteten).