I våre dagar roper publikum på Camp Nou I-Inde-Independència når det har gått 17:14 minuttar av kvar omgang i heimekampane til Barca, som klubben blir kalla på folkemunne. 17:14 er til minne om året 1714, det året då spanske troppar tok Barcelona og katalanarane blei fråtekne rettar dei hadde hatt i hundrevis av år. 18. desember er det Clásico mellom FC Barcelona og Real Madrid, i eit Catalonia der el Barca spelar ei viktig rolle som identitetsmerke. Protestgruppa Tsunami Democràtic har tillyst demonstrasjonar i høve kampen, utan å spesifisera av kva type.
Heilt sidan starten har FC Barcelona vore sentral for katalansk identitet, demokrati – og for frigjeringsrørsla. Kva no?
Meir enn ein fotballklubb
