BONDEKVINNE: Var dei sterkare enn andre, eller var samfunnet meir likestilt enn me trur?
Sofia Svensdotter var fødd i 1809 som yngste barn i ein husmannsfamilie i Time på Jæren. Tjueto år gamal tok ho eit steg oppover samfunnsstigen og gifte seg med den sjølveigande bonden Peder Torgerssen i nabokommunen Gjesdal, der dei to eldre søstrene hennar like eins hadde gift seg til gard. Men samlivet gjekk ikkje så bra, og då Sofia i 1838 tok ut separasjon, var det fleire år sidan ho budde saman med Peder.
