Tider skal kome

Øystein Orten

Aldri kome tilbake

Litteratur

Samlaget 2019, 170 sider

I novellesamlingane «Sjabervik» (2011) og «Risp i berget» (2015) har Øystein Orten leika med novelleforma, og skrive saman svært ulike teksttypar – regler og runer, balladar og brev – til historiske portrett av små lokalsamfunn på Sunnmøre. Også i romanane sine har Orten blanda historisk stoff i fantasifulle fiksjonsformer, og laga viltre forteljingar som «Rasmus Rebellen» (2013). Som historikar i romanform interesserer han seg ikkje berre for historiske situasjonar, men også for eksistensielle grunnspørsmål som tidenes og slektenes gang gjerne fører med seg.