Laurdag 27. september har Klassekampen gitt plass over tre fulle sider til ulike kjendisar, alt frå Dan Eggen til Danby Choi, som greier ut om ja eller nei til boikott av Eurovision 2026 om Israel får delta. Eg meiner Israel skal boikottast på alle vis. Likevel gjev det ein flau og vond smak i munn at vi her nord, på trygg avstand frå all elende, barnemord og galskap, skal tvære dette ut over tre fulle sider. Det er som om Klassekampen driv med snikskryt for sitt brennande engasjement for Gaza, men i røynda leverer nokså grunn underhaldningsjournalistikk.