Kaptein Sabeltann kan verka som eit utdatert kulturprodukt for vaksne filmkritikarar, men kvar gong den kvite «kongen på havet» heiser det svarte hovudskalleflagget og inviterer til røvartokt, er han i stand til å mønstra nye generasjonar barn. Det vart openbert då underteikna såg «Kaptein Sabeltann og Grevinnen av Gral» på førpremiere i ein kokande, fullsett kinosal med barn i barnehagealder sist søndag.